𝐌𝐠𝐚 𝐢𝐬𝐤𝐨𝐥𝐚𝐫 𝐬𝐚 𝐢𝐥𝐚𝐥𝐢𝐦 𝐧𝐠 𝐁𝐒𝐏𝐓𝐕𝐄𝐓 𝐧𝐚𝐤𝐚𝐭𝐚𝐧𝐠𝐠𝐚𝐩 𝐧𝐠 𝐓𝐫𝐚𝐢𝐧𝐢𝐧𝐠 𝐒𝐮𝐩𝐩𝐨𝐫𝐭 𝐅𝐮𝐧𝐝
Ipinamahagi ang Training Support Fund (TSF) noong Agosto 25, 29-30, 2023 sa mga trainee na nakapagtapos ng pagsasanay sa kani-kanilang napiling kwalipikasyon tulad ng Driving NC II, Computer Systems Servicing (CSS) NC II, Shielded Metal Arc Welding (SMAW) NC II, Electronic Products Assembly and Servicing (EPAS) NC II, Electrical Installation and Maintenance (EIM) NC II, at Gas Metal Arc Welding (GMAW) NC II sa Regional Manpower Development Center (RMDC) na matatagpuan sa Brgy. Rebuken, Sultan Kudarat, Maguindanao del Norte.
Ang mga naturang trainee o iskolar na nakatanggap ng kanilang allowance ay kabilang sa programa na Bangsamoro Scholarship Program for Technical and Vocational Education and Training (BSPTVET). Labis na pasasalamat ang ipinahayag nila sa benepisyong naibahagi sa kanila ng MBHTE TESD.
#NoBangsamoroLearnerLeftBehind
