𝐍𝐀𝐆𝐒𝐀𝐆𝐀𝐖𝐀 𝐍𝐆 𝐒𝐈𝐆𝐍𝐈𝐍𝐆 𝐎𝐅 𝐌𝐄𝐌𝐎𝐑𝐀𝐍𝐃𝐔𝐌 𝐎𝐅 𝐀𝐆𝐑𝐄𝐄𝐌𝐄𝐍𝐓 𝐀𝐍𝐆 𝐌𝐁𝐇𝐓𝐄-𝐓𝐄𝐒𝐃 𝐀𝐓 𝐂𝐅𝐒𝐈 𝐁𝐈𝐋𝐀𝐍𝐆 𝐏𝐀𝐑𝐓𝐄 𝐍𝐆 𝐊𝐀𝐍𝐈𝐋𝐀𝐍𝐆 𝐏𝐀𝐑𝐓𝐍𝐄𝐑𝐒𝐇𝐈𝐏 𝐒𝐀 𝐏𝐑𝐎𝐘𝐄𝐊𝐓𝐎𝐍𝐆 𝐂𝐋𝐄𝐏

Nagsagawa ang Ministry of Basic, Higher, and Technical Education-TESD (MBHTE-TESD) ng signing of Memorandum of Agreement noong Agosto 12, 2024 na ginanap sa CFSI Operation Center sa Cotabato City. Ang kaganapan ay dinaluhan nina MBHTE-TESD Bangsamoro Director General Ruby A. Andong at Director II Jonaib Usman, kasama sina CFSI Director Noraida Abdullah Karim at Project Coordinator Alizain Tahir.

Ipinahayag ni BDG Andong ang kanyang taos-pusong suporta at pagpapahalaga sa mga nakamit na resulta ng CLEP project para sa mga itinalagang benepisyaryo.

“Nakikita ko ang proyektong ito bilang isang pagkakataon na nagbigay at patuloy na nagbibigay ng oportunidad sa mga benepisyaryo ng Bangsamoro,” pahayag ni BDG Andong. “Malapit na natin makamit ang ating mga layunin; kung hindi man lahat, ay tiyak na 80% nito.”

Samantala, ibinahagi rin ni CFSI Director Abdullah Karim ang kanyang opinyon tungkol sa kahalagahan at pakinabang ng mga kasanayan na isasakatuparan. Binigyang-diin din niya ang kahalagahan ng pakikipagtulungan ng CFSI at MBHTE-TESD para sa pag-abot ng mga layunin ng proyekto at ang pagtiyak ng mas sustainable na resulta para sa mga benepisyaryo.

“Personal kong Nakita ang proseso ng paggawa ng harina sa UP Mindanao, kung saan lahat ng aspeto ng produksyon ay kapaki-pakinabang at may potensyal,” sabi ni Director Abdullah Karim. “Kung ang mga kwalipikasyon ay maipapatupad, ito ay magiging malaking oportunidad para sa mga benepisyaryo.”

Nagtapos ang programa sa pamamagitan ng pagpirma ng MOA at pagkuha ng litrato bilang bahagi ng dokumentasyon ng kaganapan.

#OneMBHTE

#NoBangsamoroLearnerLeftBehind

#CFSI-MBHTE-TESD