Nagsagawa ang MBHTE-TESD PO Tawi-Tawi ng Calibration on Biometric-enabled Scholarship Registration System (BSRS)
Isinagawa ang unang araw ng BSRS Calibration sa pamamagitan ng Regional ICT Focal, na pinangungunahan ni Mr. Yawmel Jihad Guilal.
Ang nasabing programa ay nagbabahagi ng kaalaman tungkol sa pagpapaunlad ng BSRS ng MBHTE-TESD PO at kanyang mga TVIs.
Ito ay ang bagong digitalize na profile information ng mga registrars, trainers at maging mga trainees na kung saan idadaan sa biometric ang profile ng isang indibidwal sa pamamagitan ng BSRS ACCOUNT para sa mas madaling access, at sa pag mo-monitor mula sa central office.
Ibinahagi ng Regional ICT Focal ang mga detalye at proseso sa paggawa ng BSRS Account kasama ang Provincial ICT Focal na si Mr. Abdel Nasser J. Tahang Jr.
Ang hangarin ng MBHTE-TESD PO TAWI-TAWI sa tulong ng Regional ICT Focal ay mas mapadali ang pag-track ng profile information ng mga registrars, trainers at trainees sa ilalim ng MBHTE-TESD PO TAWI-TAWI, at sa mas digitalize na paraan.
Ang nasabing Calibration ay ipinagpatuloy sa ikalawang araw nitong April 05, 2023 at isinagawa sa Comelec Office Bongao, Tawi-Tawi.
Ang mga target participants ay mula sa Technical Vocational Institute Administrators, Processing Officers at trainers.
Nandoon din dumalo ang Provincial Director Dr. Maryam Nuruddin.
