𝐓𝐄𝐒𝐃 𝐁𝐚𝐬𝐢𝐥𝐚𝐧 𝐚𝐭 𝐏𝐓𝐂 𝐁𝐚𝐬𝐢𝐥𝐚𝐧 𝐝𝐮𝐦𝐚𝐥𝐨 𝐬𝐚 𝟐𝐧𝐝 𝐏𝐫𝐞-𝐒𝐭𝐚𝐭𝐞 𝐁𝐚𝐧𝐠𝐬𝐚𝐦𝐨𝐫𝐨 𝐘𝐨𝐮𝐭𝐡 𝐀𝐝𝐝𝐫𝐞𝐬𝐬 𝟐𝟎𝟐𝟑
Ang MBHTE-TESD Basilan Provincial Office at Provincial Training Center ay dumalo sa 2nd Pre-State Bangsamoro Youth Address 2023 ng Bangsamoro Youth Commission – Office of the Commissioner for Basilan with Lamitan City (BYC-Basilan) sa pamumuno ni Commissioner Hamdie I. Tanjil nito lamang August 08, 2023 sa Farmland Resort, Isabela City, Basilan Province.
Kung matatandaan ang dalawang panig ay lumagda ng kasunduan – Memorandum of Agreement na kung saan sila ay maghahatid ng de kalidad na serbisyo sa mamamayan ng Basilan noong July 13, 2022 na may bisa hanggang sa kasalukuyan.
Napag usapan sa naturang programa ang mga naisagawa na ng komisyon para sa kabataan mapa-edukasyon, kalusugan, kalikasan at iba pa na inilatag ni Commissioner Hamdie I. Tanjil sa kanyang talumpati na pinakinggan ng lahat ng dumalo.
Ang naturang programa ay dinaluhan ni BYC Chairperson MP. Marjanie S. Mimbantas-Macasalong, PhD, Maguindanao Commissioner Nasseruddin D. Dunding, Tawi-Tawi Commissioner Fratima Samsaraji, partnered agencies at iba pa.
